NARAMDAMAN ni Jack na nakatayo na si Blake ngunit hindi niya magawang kumilos. Hindi pa nakababangon si Vulther dahil sa lubha ng pinsala at tinamaan ng kapangyarihan ni Blake.
“Hindi na siya ang babaeng mahal mo, Jack. Ang sinasabi mong Alona ay matagal ng patay,” sabi ni Blake malapit sa kanyang tainga.
Walang kurap na nakatitig lang siya sa mukha ni Alona. Bumaling na sa tabi ni Alona si Blake.
“Siya na ang aking asawa. Ikinasal na kami. At para sa iyong kaalaman, isa na siyang bampira. Hindi ka nararapat sa kanya dahil hindi mo siya kayang protektahan, sa halip, dinidepensahan mo pa ang hangal na pumatay sa kanya!” may gigil na pahayag ni Blake.
Lalo siyang natigagal. “A-ano’ng s-sabi mo?” pilit niyang gagad.
Ngumisi si Blake. “Nakita ko ang pangyayari, noong lumusob ang mga hadeo
