UMUSAL si Jack ng lahat na orasyong alam niya, lalo na ang orasyong naitala ng babaylan sa libro ng propisiya. Inulit-ulit niya iyong binigkas hanggang sa makawala siya sa kapangyarihan ni Haring Demetre.
“Jack! Gumuhit ka ng pentagram sa sahig gamit ang iyong mga kamay habang umuusal ng orasyon na naroon sa libro! Maikukulong mo ang kaluluwa ng hari!” turo ni Lucio.
Nang makaluhod siya ay gumuhit siya ng pentagram sa sahig ngunit bago niya ito matapos ay tinamaan siya ng kapangyarihan ni Haring Demetre sa ulo. Bumulagta siya sa sahig. Kahit nakahiga na’y gumuhit siya ulit ng pentagram saka umusal ng orasyon.
Mukhang ramdam na ng hari ang paghigop dito ng lupa kaya ito naglaho. “s**t!” bulalas niya nang mapansing nagbukas ng lagusan ang hari patungo sa mundo ng mga tao.
“Pigilan mo siy
