PINILIT ni Jack si Alona na sa Lutareo muna sila mananatili upang mas mabilis itong masanay na hindi umiinom ng dugo. Ngunit sadyang matigas ang ulo nito. Hindi siya nito kinakausap simula paggising nito kinabukasan. Hindi rin nito kinain ang pagkain niluto niya.
Sa inis niya ay iniwan niya ito. Nagtungo siya sa lupang sakahan at nagdilig ng pananim. Nagawi rin doon si Tero dala ang pantabas nito sa damong ligaw. May atraso ito sa kanya kaya inabala niya ito sa pagtatrabaho.
“Bakit biglang nagalit sa akin si Alona? Ano ba ang pinagsasabi mo sa kanya?” kastigo niya rito.
Hinarap siya nito, namaywang habang tinitingala siya. “Wala naman akong sinabing masama. Tinanong lang niya ako hinggil sa babaeng pumatay sa kanya, kay Souljen. Inalam niya kung ano ba ang dahilan,” sabi nito.
“At ano
