MABAGAL ang agos ng tubig sa batis. Pinagmamasdan ni Celine ang kanyang sarili na nagsasalamin sa malinaw na tubig. Nakaupo siya sa lupa sa may gilid ng batis habang nakatubog sa tubig ang mga paa. Mabuti pinayagan siya ni Blake na lumabas ng palasyo ngunit hanggang doon lang sa batis na malapit sa palasyo. Gusto niyang lumanghap ng sariwang hangin.
May umaaligid na kawal at alalay niya. Ilang gabi na siyang walang maayos na tulog. Paulit-ulit pa ring dumadapo sa kanyang balintataw ang lalaki sa senaryong nakita niya noong natikman niya ang pagkain na pinadala ni Ato. Hinahanap-hanap niya ang lasa niyon. Pakiramdam niya ay natikman na niya iyon noon.
Habang sumisipa siya ng tubig ay biglang may punpon ng iba-ibang kulay na bulaklak na palapit sa kanyang mga paa. Inaanod ito ng tubig. Nan
