HINABOL ni Jack si Blake sa yungib nang dumating ang ibang lycan. Pagdating sa gitna ay nawala ito sa paningin niya. Iginala niya ang kanyang paningin sa paligid. Lumakas na ito dahil sumipsip ng dugo ni Alona. Maaring huling alas na nito iyon, ang itaya ang buhay ni Alona para sa pansarili nitong kaligtasan.
Sinuyod niya ang paligid habang hawak ang pilak niyang espada. Tinalasan pa niya ang kanyang pandamdam at pang-amoy. Nang maramdaman niya ang presensiya nito sa likuran ay kaagad siyang pumihit dito, ngunit naunahan siya ng pagtama ng espada nito sa kanyang dibdib. Nakutlitan lang ang baloti niya, ngunit napaatras siya dahil sa lakas nito.
“Lumaban ka nang patas, Jack!” singhal nito.
“Ikaw ang lumaban nang patas, duwag! Yaah!” Sinugod niya ito ngunit nasalag nito ang kanyang espada
