ISANG araw makalipas ang paglaho ng buwan ay bumuhos ang malakas na ulan. Lumipat sina Jack at Alona sa Golereo saktong dumating ang grupo ni Haru. Naghahanda sila ng hapunan nang pumasok sa kusina si Haru. Mabuti sumama sa kanila si Samara. Sinalubong nito si Haru sa bulawagan pagdating.
Napansin kaagad ni Jack ang paglubo ng katawan ni Haru. Hindi naman ito tumaba pero lalong lumaki ang katawan.
“Ano ba ang pinagkaabalahan mo roon sa bahay, Haru?” natatawang usisa niya.
Napansin din ni Samara ang katawan nito. “Oo nga, bakit biglang lumaki ka lalo?” anito sa asawa.
“Inaasahan ko nang mapapansin ninyo ang katawan ko. Ganito kasi ang nangyari…” anito saka lumuklok sa silya katapat ng lamesa kung saan sila naghahanda ng sangkap sa lulutuin. “Sa sobrang pagkainip ko, sumama ako kay Bert
