HINDI maalis sa isip ni Celine ang lalaking sumagip sa kanya mula sa pagkalunod. Nakatago man ang mukha niyon sa berdeng tinta, pamilyar sa kanya ang presensiya niyon, lalo na ang boses. Hindi niya maintindihan ang nangyayari.
Hindi pa sila nag-uusap ni Blake. Ang alalay niya’ng si Marga ang nagsabi rito tungkol sa lalaki umano na tumulong sa kanya. Hindi niya alam kung paano iyon nakita ni Marga gayung wala itong malay.
Nakakulong lang sa kanyang silid ang dalaga at nagpapagaling. Nakahiga siya sa kama. Mamaya ay pumasok si Blake. Natitiyak niya na uusigin siya nito tungkol sa nangyari. Lumuklok sa paanan niya si Blake.
“Namukhaan mo ba ang lalaking tumalong umano sa iyo, Celine?” usisa ni Blake.
Umiling siya. “Berde ang kanyang balat, hindi ko tiyak kung anong uri siyang nilalang.”
