NAPAPAYAG ni Jack si Emo na tulungan silang makapasok sa Embareo at mailigtas ang mga tao. Hindi kaagad siya nakabalik sa Golereo dahil hiniling ni Emo na doon muna siya sa Buhay na Kapatagan. Tumulong siya sa pag-aayos ng mga nasirang bahay ng mga dwende. Nagtanim din sila ng maraming punong kahoy.
Maya’t-maya rin ang silim niya sa tubig na may orasyon ni Emo. Nakikita niya ang nangyayari sa palasyo ng mga bampira ngunit hindi niya naririnig ang mga sinasabi ng mga ito. Nakahinga siya nang maluwag nang makitang nagkamalay na si Alona. Ang hindi lang niya matanggap ay ang makitang kasama ni Alona si Blake.
Naroon siya sa kanyang bahay at naghahapunan. Ikatlong araw na niya iyon doon sa lugar ng mga dwende. Naiparating naman ni Emo sa Golereo na naroon siya at nagpapahinga.
Pumasok si Em
