HINAHANAP-HANAP ni Alona ang beef steak kaya napilitan si Jack na magluto niyon araw-araw. Pero dahil walang baka sa Altereo, karne na lang ng usa. Mas malasa naman ito at halos pareho ng hitsura. Mabuti na lang may bunga pa ang pananim niyang lemonde sa Buhay na Kapatagan. Ang ibang sibuyas na tira niya ay itinanim niya roon.
Kahit ang mga lycan ay nagustuhan ang luto niya, kaya idinamay niya sa pagluto ang ulam ng mga ito. Katulad ng unang ginawa niya, inihaw lang niya ang karne matapos ibabad sa lemonde at toyo. Malaking bote ng toyo ang nadala niya kaya maaring magtagal.
Mayroong halaman sa Buhay na Kapatagan na parang soya, na siyang ginagawa ring toyo, pero maitim ito at makatas. Maalat din na parang toyo pero natural. Ang problema niya ay gusto na rin ni Alona makakain madalas ng
