HININTAY ni Jack na magpakita sa kanya si Grego. Inabot na siya ng gabi roon sa bahay nila. Nang makatulog ang mga kapatid niya ay tumambay sila ni Haru sa likod ng bahay.
“Narito ang isang lagusan, Jack,” ani ni Haru. Nakatayo ito sa gitna ng bakanteng lote.
“Oo, diyan ako dumaan noong unang beses akong napunta sa lupain ng mga patay. Sa bandang iyan nagbukas ng lagusan si Grego noon,” aniya. Nilapitan niya ito.
“Dito ka rin ba lumabas kahapon?”
“Uh… hindi, sa labas ng pader sa likod niyan.” Itunuro niya ang pader kung saan siya umakyat noong gabi.
“Ibig sabihin niyon, mayroon ding lagusan diyan,” ani ni Heru habang nakatingin sa pader.
“Malamang, pero bihira ata nabubuksan kapag may taong nagmula lang sa ibabang mundo. Dati raw kasing sementeryo iyan.”
“Sementeryo?”
“Oo, libingan
