"W-WHAT are you doing here, Daddy? And why are you kneeling down there? Maari po bang tumayo ka riyan? Aba'y pinagtitinginan na tayo ng mga tao."
Kaagad na sabi ni Jervin II nang napagsino ang naghahanap sa kaniya. Walang iba kundi ang biyanan niya. Galit siya rito ngunit wala naman sa hinagap niyang luluhod ito sa kaniya na manugang.
"Kung ang pagluhod ko sa iyong harapan ang makapukaw sa pader na nakaharang sa pagitan ninyo ng asawa mo ay buong-puso kong gagawin. Magalit ka sa akin hanggat gusto mo pero hindi na mababago ang katutuhanang mag-asawa kayo ni Monica. Bilang ama niya ay gagawin ko rin ang lahat upang matulungan ito. Simula pumarito ka ay hindi ka pa umuwi sa Baguio at hindi ko rin alam kung tinatawagan mo siya."
Bahagaya itong tumigil sa pananalita kaya't nagsasalita sana
