Step Thirty Nine.
-
Kinagat ko ang labi ko habang panay ang sulyap sa relo ko. Twenty minutes akong mas maaga sa napag-usapang oras namin kaya ito ako at inip na inip na. Ang tanga ko naman kasi at bakit inagahan ko pa! Magmumukha akong excited nito, eh.
Sa totoo lang, kanina pa ako nagdadalawang isip kung itutuloy ko pa ba ang pakikipag usap sa kanya, parang ayoko na ngang ituloy dahil sobra sobra ang kaba ko.
Mabuti pa, um-order na ako bago pa ako mabaliw kakaisip sa kung paano ko kakausapin o bakit ko nga ba kakausapin si Harold.
Tumayo ako at dumiretso sa counter para um-order ng kape. Kaunti na lang ang tao sa coffee shop dahil gabi na, usually umaga naman kasi nagkakape ang mga tao at hindi gabi. Ako lang yata ang mahilig magkape sa gabi, nasanay narin kasi ako sa trabaho ko.
"
