Walang nagawa si Henry kundi ang pagmasdan na lamang ang paglayo ni Valerie, hanggang sa umupo ito sa isang long table sa pinakadulong bahagi ng restaurant na tila may meeting. Napakunot-noo si Henry dahil kilala niya ang isa sa mga nasa mahabang mesa na kinaroroonan ni Valerie.
Marahil ay napansin nitong nakatingin pa rin siya rito kaya ito nagtaas ng tingin dahilan upang magtama ang kanilang paninginna agad rin naman nitong binawi.
"Siya ba iyong sekretarya ni Frank?" dinig na tinig ni Antonette na nagpabalik sa kanyang sarili.
Tila bigla ay nalito ang isipan at puso ni Henry sa biglaang pagkikita nila ni Valerie. Kahit papaano kasi ay naroroon pa rin naman iyong respeto niya kay Valerie, nagawa pa niyang magbago para dito.
Tikhim ni Antonette ang nagpabalik sa kanyang diwa, naalala
