"Asaan ang asawa ko Papa!" Galit na sigaw niya ng sumugod sa opisina ng ama.
"Kuya Enzo?" Gulat na tawag sa kanya ni Dale na naroon din sa loob ng opisina ng ama. Sabay pa ang paglingon sa kanya ng ama at ni Dale nang makapasok sa loob ng opisina. Malakas niyang sinara ang pintuan, lumikha pa iyon ng ingay na umalingawngaw sa loob.
"Nasaan si Bella Papa?!" Sigaw niya. Nais niyang magwala sa galit na nararamdaman sa ama.
Kahapon pa siya nakabalik ng San Miguel galing Europe, at hindi niya nadatnan ang asawa sa bahay. Wala ring kaalam-alam si Manang Lucing kung paano nakaalis si Bella. Nasa bahay ang kotse nito, pero wala ang asawa. Nakausap pa niya ang asawa bago siya bumiyahe pauwi. Ang ganda pa ng usapan nila, masaya naman ang tinig ng asawa, wala siyang ano mang napansin na kakaiba s
