Sarah
Hindi ko alam kung ilang oras kaming nag hintay sa pagbabalik ng mga taong pumunta para hanapin ang aking asawa. Sa buong oras na paghihintay ay napuno ng mabigat na tensyon ang buong sala ng mansyon ng mga Alcantara kung saan kami naghihintay ng balita sa kalagayan ni Jonas. Ang lahat ay pinipigilan ang kanilang mga luha at umaasang uuwi ng buhay si Jonas. Ngunit sa loob ko ay hindi ko na malaman pa kung ano ang dapat kong maramdaman. Natatakot ako na baka totoo ang nasa isipan ko.
Ayaw ko nang mag-isip pa dahil nanghihina lang ako. Maging ang sumagot sa bawat katanungan ng mga magulang ni Jonas ay hindi ko na rin magawa pa. Unang-una ay hindi nakita ng mga mata ko kung talaga nga bang nandoon ang asawa ko pero tulad ng sinabi nila Kino ay nandoon nga siya para iligtas kami n
