Jonas
Magkahalong tuwa at lungkot ang damdamin na bumabalot sa kalooban ko habang nakamasid sa mag-ina ko na maganang kumakain ng burger. Sinubukan kong imbitahan silang kumain sa isang magarang restaurant pero umiiling na tumanggi ang anak ko. Kung si Sarah lang ang tatanungin ay kahit na saan ko pa silang dalhin ay sasama siya. Ngunit sadyang nakaplano na ang anak ko sa gusto nitong gawin. Hindi ko alam kung anong pumasok sa isipan niya at ginusto nitong kumain sa loob ng sasakyan habang lumilibot sa lalawigan ng Batangas. Talagang nabighani siya sa ganda ng lugar.
Subrang dami kong kailangan gawin at asikasuhin sa loob ng kumpanya dahil ibinalik na sa akin ni Papa ang posisyon bilang vice president. Ngunit dahil mas mahalaga pa rin silang dalawa ay nagawa kong iwanan ang respon
