Chapter Thirty Six
NATHAN
"IKAW yung…," halos hindi ako makapagsalita sa pagkakagulat ko sa presensya niya sa bahay.
"Ako nga hijo. Attorney Villahermosa, ang naghawak sa kaso ng iyong ama," iniabot niya ang kamay niya upang makipagkamay sa akin.
Tila napako ako sa kinatatayuan ko dahil hindi ako makapaniwala sa nakikita ko. Agad ko rin namang inabot ang kamay niya at saka ako nakipagkamay sa kanya.
"A-ano pong ginagawa niyo rito?" Tanong ko.
"Anak, maupo ka muna at ipaghahanda ko kayo ng mamemeryenda," ani nanay.
"Nay, ito po ba ang sinasabi ninyong emergency?" Tanong ko sa nanay kong papunta na sanang kusina.
"Ah, oo anak. Ito nga. Mahalaga ang bagay na ito anak para sa ikalulutas ng problema natin sa matagal na panahon," aniya.
Naupo na lang ako at hinayaan na siyang magpunta s
