Lahat sila ay lumapag sa rooftop na iyon kung saan naglaho ang lagusan papuntang mundo ng Albayana.
"Guys, anong gagawin natin?!" nanlalaki ang mga mata ni Danica na tumingin kina Nica at Jojit.
"Erika!" lumapit si Jojit sa pinaglahuan ng lagusan at kinaway-kaway niya doon ang dalawang kamay. Umaasa na naroon pa rin kahit paano ang lagusan para masundan nila si Erika at Mico.
"Huwag kayong mag-alala may paraan para masundan natin sila" tinig ni Lorben na lumitaw sa likuran nina Danica at Nica.
Napatakbong lumapit si Jojit dito "Kuya tara na kung gano'n!" bakas na bakas ang pag-aalala nitong anya.
"Oo nga kuya!" segunda ni Danica.
"Okay lang naman sila doon sa mundo niyo 'di ba, Lorben?" tanong naman ni Nica.
"Hindi ko masasabi kaya sige! Tara na doon!"
Pumitik si Lorben sa hangin.
