PRECY
Simula nang sumali sa contest sa bayan ang kambal ay hindi na ako napanatag. May nakita kasi akong viral bidyo nilang dalawa online, na bibong-bibo sila at hindi maitatanggi na kinagigiliwan sila ng mga nakapaligid sa kanila, kaya nagkaroon ako ng takot at matinding pangamba na baka makita iyon ni Aryan.
Ang nakakainis pa ay kahit personal akong nag-message at nakiusap sa uploader na i-take down ang viral video at sinabi kong ako ang ina ng mga bata ay hindi niya iyon binura.
Nakita ko na lang na naka-block na pala ang account ko sa kanya, kaya ang ginawa ako ay ni-report ko ang content dahil wala akong pahintulot na kunan ng bidyo at i-post nila ang mga anak ko.
Nakahinga ako ng maluwag dahil nabura ang post na iyon. Napanatag na rin ako sa loob ng tatlong araw, pero hindi ko i
