PRECY
Dahil hindi matapos-tapos ang kwentuhan nina daddy at ng mga anak ko ay nagpaalam muna ako sa kanila na aakyat ako sa silid namin ni Aryan para maligo.
Pakiramdam ko kasi ay nanglalagkit ang katawan ko dahil pinagpawisan ako kanina sa sementeryo.
Mabilis na umakyat ako sa silid namin ni Aryan at agad naligo. Ilang minuto rin akong nagbabad sa shower dahil masarap sa pakiramdam ang maligamgam na buhos ng tubig, hanggang sa nagsawa ako at tinapos na ang paliligo ko.
Suot ang roba ay pumasok ako sa wardrobe para magbihis. Narito pa rin pala ang mga dating damit ko noong dito pa ako nakatira. Walang nagbago sa ayos ng mga ito kung paano ko iniwan noon ay ganito ko rin nadatnan ngayon bumalik na ako.
Dahil hindi naman nagbago ang katawan ko kahit nanganak na ako, kaya karamihan sa d
