"Jaycion?!" May pag-aalala sa mukha ni Jo-anne na lumapit sa kaibigan.
"Jo-anne, buti dumating ka!" Maluwang na yumakap sa kanya si Jaycion at kumawala rin. "Hindi ko na alam ang gagawin ko!"
"Kumusta ang Tatay mo?" Tiningnan niya si Mang Estong na natutulog sa kama ng ospital. At sa tingin niya ay maayos naman na ang kalagayan na nito. Payapa itong natutulog.
Sumugod agad siya rito sa hospital kahit gabi na para lang madamayan si Jaycion. Tinext siya ng binata kanina na sinugod nga raw nito ang ama sa ospital dahil sa 'di maipaliwanag na nangyari.
"Okay na siya," malungkot na sagot ni Jaycion.
"Ano bang nangyari?"
Tumingin sa kanya ang binata at pagkuwa'y hinila siya nito. "Sa labas tayo mag-usap."
Takang nagpatianod siya rito dahil nasa ward lang sila. Madaming tao, ayaw siguro ni
