Kabanata 39
Hurt
Hanggang sa pagtulog ay hindi ko makalimutan ang sinabing iyon ni Harold. Hindi pa rin tumitigil ang pagwawala ng mga paroparu sa tiyan ko maging ang malakas na kabog ng aking puso.
Palagi naman niya akong sinasabihan ng maganda pero bakit may kakaiba ngayon? Dahil ba alam kong gusto n'ya ako? o dahil ako lang itong nag-iisip ng kakaiba sa sinabi n'ya?
Hindi ko man aminin ay kinilig ako sa sinabi n'ya. Hindi ko rin napigilang manghinayang sa naputol kong buhok. Ngumuso ako, bakit pwede ko pa naman pahabain 'to, ah?
Pinasya ko nang matulog habang yakap ang malaking teddy bear na bigay sa'kin ni Joaquin.
Kinabukasan ay sinuot ko ang isa sa mga damit na bimili namin ni Dahlia sa Mall. Isa iyong white crop top at high pants na tinernuhan ko nang blazer na kulay black. Is
