SA PAG-ALIS ng player na may IGN na Scarlet Iris ay nag-iwan ito ng marka sa utak ng bawat isa roon na may mga players pa nga talaga na mas malakas kumpara sa kanila. Hindi rin ito nagmula sa Council o sa kahit anong guild dito sa Region 2. Isa itong patunay na ang tunay na malalakas na players ay wala Terra Region.
“Mas lalo kong nagustuhang marating ang Tengoku Region. Mukhang naroon ang mga mas malalakas pang players! At gusto ko silang labanan!” seryosong winika ni Laxus na ikinaseryoso naman ng mga members ng Axis sa pangunguna ni Cruxade.
“S-sigurado ka Laxus? M-masyadong matindi ang area na iyon sa mga players…” sabi nga ni Cruxade na huminto rin sa pagsasalita dahil hindi siya pwedeng magbigay ng anumang impormasyon patungkol sa area na pinagmulan nila sa pag-login nila sa larong
