MABILIS ngang lumayo si Laxus mula sa babaeng player na yumakap sa kanya. Nakaramdam din siya ng pagkailang dito nang makita niya ang labi nito na nakangiti sa kanya na tila ba masaya sa pagyakap sa kanya.
“Hindi ako si Laxus na tinutukoy mo,” bulalas ni Laxus at ang mga mata niya ay napatuon naman kaagad sa espadang hawak ng babae. Ito ay isang level 30 at napalunok siya ng laway dahil sa dating sa kanya ng bagay na iyon. Pakiramdam niya ay napakalakas noon. Parang may buhay ito kung papakiramdaman, kaso, mabilis nga muli siyang lumayo dito dahil humakbang pauna ang babaeng nagmamay-ari ng malakas na sandatang iyon.
“Paanong hindi ikaw? Alam kong ikaw si Saint…” sabi pa ng babae at ang mga players sa likuran ng player na may dilaw na buhok na nakakakilala sa pangalang iyon ay napaseryos
