MABILIS na nagsilayuan sina Laxus nang biglang nayanig ang paligid matapos silang bigyan ng AI na kalaban nila ng isang malakas na pag-atake gamit ang sandata nito. Walang kahirap-hirap na winasiwas sa kanila ng Long-Body Crocodilius ang sandata nitong Mithril na nagpakawala rin ng malakas na hangin na kung hindi nila naibaon sa lupa ang mga sandata nila ay baka tumalsik na sila pabalik sa ilog. Isang ngisi pa nga ang makikita sa mahabang bibig nito nang masaksihan ang nangyari sa mga players na nasa harapan niya. Pagkatapos nga noon ay napaseryoso ito nang bumulusok ang isang apoy na naging isang ibon papunta sa kanya. Inatake na nga rin siya ng archer na si Wind mula sa pwesto nito na napakabilis naman niyang winasak gamit ang kanyang sandata.
Kumawala nga ang malakas na hangin sa palig
