ALAS-SAIS pa lamang ng umaga ay bumyahe na si Karen patungong Mactan upang magsiyasat tungkol sa mga litratong nakuha niya sa kuwarto ni Trivor. Hindi na natahimik ang isip niya kaya hindi siya titigil hanggat hindi nabibigayang kasagutan ang mga nakalilitong bagay na natuklasan niya. Wala pa may kinakabahan na siya sa isiping may malaking pagkakaugnay si Trivor kay Ian. At nasisiguro niya na may alam si Trivor tungkol sa kababalaghang nangyayari kay Ian.
Pagdating niya sa boutique ni Sandra Vermoza ay kaagad niya itong pinakiusapan na samahan siya sa bahay ng mga magulang nito na malapit lamang sa dalampasigan. Hindi naman ito tumanggi. Pagkatapos nilang mananghalian ay nagtungo na sila sa bahay ng mga Vermoza.
Parehong yumao na ang mga magulang ni Sandra, at tanging katiwala na lamang
