TINUTUKAN ni Trivor si Serron nang dumilat ito ng mga mata. Kumurap-kurap ito. “May nasagap akong malalakas na aura na nakapaligid kay Karen. May isa sa kanila na nagtataglay ng kapangyarihan ng diablo. Kaya niyang kontrolin ang dilim at nasasabat niya ang mind radar ko,” anito.
Nagtagis ang mga bagang ni Trivor. May ideya na siya kung sino ang tinutukoy ni Serron.
“Mahirap masagap ang lokasyon nila dahil naliligiran sila ng tubig,” wika ni Serron.
Nagkatinginan silang tatlo. Marahil ay iisa ang naisip nila.
“Si Marco!” nagkasabay pang bigkas nila.
Si Marco ang isa sa bampirang kasama nila na may kakayahang kontrolin ang lahat na tubig sa mundo. Ito ang nagpoprotekta sa karagatan saan mang sulok ng mundo. Kaya rin niyong suyurin ang dagat at nasasagap ang mga enerhiyang naroroon.
“Pe
