“ARE you married, Karen?” tanong ni Ian kay Karen nang magkaharap na silang nakaupo sa mesa malapit sa pinto.
Kararating lang ng order niyang pagkain. Nagtataka siya bakit red juice lang ang in-order ni Ian.
“Not yet. Kung may asawa na ako hindi mo siguro ako makikita sa lugar na ito,” pilyang sabi niya.
Ngumisi ang lalaki. Hindi man lang ito nagtataka kung bakit kilala niya ito? Dapat ay uusigin siya nito tungkol doon. Ibang-iba ito sa Ian na nakilala niya noon. Masyado itong presko kung umasta.
“Gusto mo ba ng wine?” pagkuwa’y tanong nito.
Hindi siya kaagad nakaimik. Napatingin siya sa kaliwang kamay nito na may tattoo na naglalarawan sa munting bituin na may mata sa gitna. Kulay pula ang tinta na ginamit doon. Ang alam niya’y wala namang ni anong tattoo noon sa katawan si Ian. At b
