KINAKABAHAN si Karen habang tinatamasa ang mainit na halik ni Trivor. Natatakot siya na baka hindi nito maibigay sa kanya ang satisfaction niya. O baka hindi nito magawang kontrolin ang sarili, wala pa naman silang gamit na proteksyon. Kung tutuusin ay iyon na ang pagkakataon niya para mabuntis at magkaanak, pero sa isang bampira?
Nahimasmasan siya. Sa kabila ng nakakapasong init ay nagawa niyang itulak si Trivor, ngunit hindi ito umahon sa kanya. Namimilog ang mga matang nakatitig ito sa mukha niya habang natitigilan.
“What’s wrong?” nagtatakang tanong nito.
“Bakit gusto mong gawin sa akin ito? Nagugustuhan mo na ba ako?” tanong pa niya.
Hindi umimik si Trivor, bagkus ay tuluyan itong lumayo sa kanya. Humiga ito sa kanyang tabi sa kanyang kaliwa. Tumagilid naman siya paharap dito. Tin
