KUMISLOT si Karen nang may kamay na sumampa sa balikat niya. Ang tagal na kasi niyang nakatutok sa harap ng computer na wala namang natitipa. Masyado nang malayo ang nararating ng isip niya. Nang lingunin niya ang nasa likuran ay nagulat siya nang makita si Martina. Silang dalawa lang pala ang nasa loob ng nurses’ station. Naka-duty din ito. Actually, last week na nito iyong duty since nag-file ito ng resignation letter. Dapat noong isang linggo pa ito umalis kasi hiniling ng head nila na mag-extend ito.
“Kanina ka pa tulala riyan sa computer, ah. May internet connection ka ba?” anito nang siguro’y napansin na nagbukas siya ng f*******:.
“Dinala ko ang wireless broadband ko,” aniya.
“Kaya pala tahimik ka. Teka, bakit may pangalan ni Ian sa search tab?” manghang tanong nito at inilapit p
