PAGDATING ni Karen sa mansiyon ni Dario ay naabutan niya si Trivor sa garahe na panay ang pagduduwal. Nanlalata na ito. Hindi niya natiis na pagmasdan lang ito na hirap na hirap sa sarili. Natukso siyang lapitan ito. Ngunit akmang hahawakan niya ang braso nito pero marahas na naiwaksi nito ang kamay niya.
Mamaya’y muli na naman itong nagsuka. Mabilis na hinagod niya ang likod nito. Nang humarap ito sa kanya ay bigla na lamang nitong ibinagsak ang katawan sa kanya. Kamuntik pa siyang mawalan ng panimbang. Napayakap siya bigla sa malaking katawan nito. Parang wala na itong buto sa katawan at hindi na nito magawang ituwid ang mga tuhod. Napangiwi siya nang maramdaman ang bigat nito.
Kahit nahihirapan ay inakay pa rin niya ito patungo sa kuwarto nito. Nakapaglalakad naman ito ngunit sobrang
