Naluluha si Amiro habang nakikita si Akisha na naghahanda na sa paglalakad nito sa aisle. Iniabot naman sa kanya ang mic, hindi alam ng kanyang mahal na kakantahan niya ito sa araw ng kasal nito. Ilang araw din niyang prinaktis ang kantang ito pero syempre pasekreto iyon kay Akisha. Hindi rin nito alam na marunong siyang kumanta kaya siguradong magugulat talaga ito.
Napakaganda ng kanyang mahal, para sa kanya ito na ang pinakamagandang bride sa buong mundo. Bagay na bagay dito ang napakaganda at eleganteng wedding gown na suot nito. Bumagay din dito ang suot nitong wig na may nakaputong na koronang bulaklak sa ulo. Grabe ang kaba niya kanina, akala talaga niya kong ano na ang nangyari dito pero nakahinga siya ng maluwag ng tumawag ito at sabihing may dinaramdam pala ang Itay nito.
Humu
