ALAYANA’S POV
KALAT na ngayon ang balita tungkol kay Prinsipe Isagani kaya hindi ako mapakali na hanapin ang pinsan niya na si Inagasi para tanungin kung totoo ang balita.
“Saan po ba tayo pupunta, Lakambini? Kanina pa tayo paikot-ikot dito. May hinahanap ka ba?” tanong ni Danica sa akin saka agad ko siyang sinagot.
“Hinahanap ko si Inagasi, baka may alam siya dito dahil kasama ko siya sa dance class ni Miss Hermosa,” tugon kong wika sa kaniya.
“Talaga po? Eh di mas magandang tanungin natin siya kung may alam siya dito.”
Nangangalay na ang paa at binti ko kalalakad. Sa lawak ba naman ng palasyo ay hindi maliligaw ka talaga kung hindi mo kabisado ang daan. Hindi ko rin alam kung saan ko mahahanap si Inagasi. Di ko na rin kasi natanong sa kaniya ang lugar kung saan siya tumutuloy. Kung
