MAKALIPAS nga ang tatlong araw ay pinagbigyan na ni Karizza si Zi na umuwi na sa bahay nila nang makitang nakakaupo na itong mag-isa. Ang mahalaga ay mayroong improvement dito.
At dahil ayaw ni Zi na may ibang gagamot sa sugat nito, inaral talaga ni Karizza kung paano ang tamang paggagamot sa sugat ni Zi. Pati nga noong nakasuot pa ito ng condom catheter ay ayaw nito na may ibang magpapalit niyon dito. Kahit professional pang nurse na lalaki. Katwiran pa ni Zi ay siya lang ang bahala sa katawan nito dahil siya ang asawa nito.
Nang makauwi sa mansiyon ay masaya pa silang sinalubong ng mga magulang ni Karizza.
Agad namang hinanap ni Zi si Khai dahil hindi kasama ng mga ito.
“Naku, katutulog lang ni Khai, eh,” tugon ni Mama Sol.
“Hayaan na lang muna nating matulog si Khai,” ani Karizza k
