HUMANTONG SA ISANG MAMAHALING hotel sina Ravano at Tyrah. Ang Castellano Tower. Sa pinaka-huling palapag na suite niyon sila humantong.
Nang mga sandaling iyon, isa lamang ang alam ni Tyrah, wala na siya sa mata ng mga hayok na parokyano ng Dazy Nights. Nakalaya na siya sa tingin ng mga iyon.
Pagpasok na pagpasok nila ni Ravano sa napakalawak na suite na iyon ay desperadang lumuhod siya sa harapan ni Ravano. Ang tingin niya ay nasa sahig.
“What are you doing?” anang malamig nitong boses. “Tumayo ka riyan.”
Umiling si Tyrah. Nasa harapan na niya si Ravano at ayaw niyang palalampasin pa ang sandaling iyon.
“Akala ko ba, ayaw mong maging star of the night? Pero,” ani Ravano na napailing pa at hindi na nagawa pang ituloy ang sasabihin.
Pinigilan ni Tyrah ang napipintong pagpatak ng kaniy
