MATAMIS na nginitian ni Tyrah si Ravano. “Okay lang ba ang suot ko?” tanong pa niya. Nag-aya kasi si Ravano na kumain sila sa labas.
Ngayong nasa poder na siya ni Ravano, nag-uumapaw sa kaelegantehan ang mga personal na gamit niya. Lalo na ang mga kasuotan na halos magpaluwa sa mga mata niya dahil sa presyo niyon.
Nalulula siya sa kakayahan ni Ravano. Sa yaman nito.
Wala sa hinagap niya na mas higit pa ang mararanasan niyang karangyaan na tatamasahin sa buhay ngayon. Buong akala niya, malulugmok na lamang siya sa isang impiyerno na pinagdalhan sa kaniya ng kaniyang ama. Pero dumating ang isang Ravano Del Greco para alisin siya sa impiyernong iyon.
Curious tuloy siya sa negosyo nito. Pakiramdam kasi ni Tyrah, literal na narito na ang lahat-lahat.
“Hmm. You’re so gorgeous,” ani Ravano n
