“ANO BA ang ipinagmamalaki mong babae ka, ha? Tingin mo ba, hindi kita kayang bilhin? Magkaano ka lang ba, ha?!”
Pigil-pigil ni Tyrah ang maiyak. Isang customer kasi sa Dazy Nights ang gusto siyang ma-i-table at wala raw itong pakialam kung waitress lamang siya roon. Tutal, wala rin naman daw siyang ipinagkaiba sa mga babaeng bayaran sa Club na iyon.
Idagdag pa na nakakainom na ang naturang customer.
“Pasensiya na po, Sir,” buong tatag pa rin niyang wika. “Hindi po—”
“I don’t care,” agaw nito sa kaniyang sasabihin. “Dito ka sa tabi ko. Ikaw ang gusto kong katabi rito.”
Sa hindi kalayuan, nakita na naman niya ang matalim na tingin sa kaniya ni Darlah. Dahil hindi naman VIP ang naturang lalaki, kaya siguro hindi nalapit sa kaniya si Darlah upang ipagduldulan siya sa lalaking gustong-gus
