"Kapitan!" Bulalas niya. Mabilis na lumapit siya sa nakahandusay na katawan nito. May takot na bumundol sa kanyang dibdib dahil papaano na lamang kung wala na pala itong buhay, dahil na naman sa kanya kaya ito napahamak. Palagi na lamang nitong binubuwis ang sariling buhay para sa kanya.
Ngunit parang nawala ang mabigat na nakadagan sa kanyang dibdib ng mapagtanto na buhay pa si Kapitan Rab. Iyon nga lang duguan ito at walang malay marahil dahil sa tama ng bala sa may parte ng tiyan. At meron din sa may bandang balikat. Medyo madilim sa bahaging iyon pero natitiyak niyang tama ang kanyang hinala dahil nakapa niya iyon.
Di niya alam ang totoong nangyari pero sa tingin niya ay nanlaban ang lalaki. May mga narinig siyang putok ng baril kanina. Hindi niya alam kung iyon ba ay nagmula sa da
