"Arghhh!" malakas na daing ng isa sa tauhan ni Don Eliazar kasunod ang pagbagsak nito sa lupa.
Nagulat silang lahat, napahawak ito sa may batok at napansin niya ang nakapasak na maliit na pana doon.
"Itay!" pabulong na bigkas niya, nakilala niya ang pana na iyon. Sa kanya iyon, dala-dala iyon ng kanyang Tatay ibigsabihin nakarating na ang tulong.
Sinamantala niya ang pagkagulat ng mga ito, mabilis niyang binigwasan ng suntok sa mukha ang katabi niyang lalaki, at isang malakas na sipa naman ang kanyang pinakawalan sa isang lalaking palapit sa kanya.
"SMILEEE!!!" sigaw ni Kuya Dindo, agad naman niyang napansin ang dahilan ng pagsigaw nito. Mabilis ang kanyang naging pagkilos, agad niyang hinila ang lalaking kanina lamang ay sinuntok niya. Ginawa niya itong panangga lang kaya naman ba
