NAPAKO ang mga paa ni Olivia sa sahig habang nakatanaw lang sa papalayong pegura ni Val at ng babaeng kasama nito.
“Do you fell jealous?”
Kumislot siya nang marinig ang boses ni Elthur sa kanyang likuran. “Hindi,” mariing tanggi niya pero ang totoo ay parang kinukuyumos ang puso niya.
“Ikompara mo ang sarili mo roon sa babae. Sa pisikal na anyo, nakakalamang siya. Malamang law student din siya. Obvious na matalino at mayaman. Ikaw, hindi ka nagbago ng postora. Maka-old fashioned ka pa rin. Minsan kitang nakitang nagsuot ng medyo classy na dress. Bakit ngayon naka-saya ka na naman at blouse? Para kang magma-madre sa suot mo. Inilugay mo na naman ang kulot mong buhok. Hindi mo masisisi ang mga tao na isiping witch ka. Pero kung ako ang huhusga, mas maganda ka sa lahat ng babae rito sa cam
