SA kotse. Nakaupo si Olivia sa tabi ni Val, na siyang nagmamaneho. Ang Daddy nito ay tahimik lang na nakaupo sa backseat. Pauwi na sila sa bahay ng pamilya ni Val.
“Okay ka lang?” tanong ni Val sa kanya.
Tumango siya. Nagpatugtog ng music sa stereo si Val. Kahit anong pagbabalewala niya sa nararamdamang discomfort ay sadyang namamahay sa katawan niya ang pagkabalisa. Bigla siyang napatingin sa salaming nakatutok sa backseat. Nawindang siya nang kakaibang imahe ang nakita niyang nakaupo sa backseat. Isang imahe ng masamang elemento o isang diablo. Marahas siyang lumingon sa likuran. Daddy naman ni Val ang nakikita niya.
Kumislot siya nang biglang pisilin ni Val ang hita niya. Naibaling niya ang tingin dito. Napansin niya na pinihit nito payuko ang rearvew mirror.
“What’s wrong?” nag-aa
