NAHIMASMASAN si Olivia nang makita niya si Val na hawak siya sa magkabilang balikat. Bigla siyang yumakap dito nang mahigpit. Dala-dala pa rin ng puso niya ang takot at kilabot. Hinagod ni Val ang likod niya.
“Ano ba ang ginagawa mo rito? Oras na ng klase,” anito.
Kumalas siya rito nang tuluyang humupa ang kaba niya. “May sinundan lang akong lalaki. May naramdaman kasi akong negative energy,” sumbong niya.
“Please stop tolerating your ability? Mababaliw ka lang.”
“Hindi ko maiwasan. Hindi ko maintindihan. Nagpapakita sa akin ang nanay ko at sinasaktan niya ako.”
“You’re just hallucinating.”
“No, it’s not just hallucination. I heard her voice and I saw her in front of me. Val, ganito ako since tumubo ang isip ko. Marami akong nakikitang hindi normal na nilalang.”
“I believe in you, O
