The Soldier & I
Ai_Tenshi
Part 30: Mga Bagong Landas
"Nasaan ako?" agad kong tanong noong mga sandaling imulat ko ang aking mga mata. "Nandito ka sa kampo Adel." wika ni naman ni Jemwell habang inaayos ang aking higaan. "Huwag kang mag alala dahil nauunawaan ko ang iyong inasal kanina doon sa lamay. Kung ako ang tatanungin ay buong tapang kong aaminin na ako ay naka kampi sa iyong panig. Madiskarte si Bryan at matalino ito, hindi ako naniniwala na wala na siya." dagdag pa nito.
"Ganoon din ang paniniwala ko, huwag kang mag alala dahil hihingi ako ng tulong sa aming kampo doon sa Cambodia upang hanapin si Bryan. Kung patay nga ba ito o buhay ay ating aalamin. Nga pala, tumawag si Ed, maayos na raw ang lagay ng iyong ama. Sa ngayon ay nag papahinga lamang ito sa ospital." wika naman ni J
