HINDI natuloy sa kanyang pag-alis si Daimon dahil lumabas na ang resulta ng LET Exam ni Khara at nakapasa ito. Tuwang-tuwang siya para rito at suportado niya ito sa mga pangarap nito sa buhay.
“Professional Teacher ka na rin ngayon, misis ko. Mukhang kailangan na nating bumili ng isusuot mong dress para sa Oath-Taking ninyo. At syempre pagkatapos no’n kukuha ka na ng PRC ID mo para matapos mo na ang lahat ng requirements mo papunta ng Thailand.”
Binalingan siya ni Khara na may saya sa mga mata. “Hindi ka talaga magagalit sa akin, mister ko?”
Umiling naman siya rito at hinawakan ang kamay nito. “Masaya ako para sa iyo. Abutin mo ang lahat ng mga pangarap mo para sa mga kapatid mo at sa sarili mo. At maghihintay naman ako kung kailan ka babalik para pakasalan ako.”
May tiwala siya kay Kh
