“Lumabas ka na diyan dahil wala na si Khara,” nakangiting ani Attorney Luisa sa kanya. Umiling-iling ito habang nakapamulsa ang mga palad sa suot nitong black pants.
Nakasiksik siya sa likod ng pinto ng comfort room nito. Mabuti na lamang at hindi naisipan ni Khara na magbanyo. P’wede naman siyang sumiksik sa ilalim ng lamesa ni Luisa kung magkataon.
Napangiwi siya dahil nangalay ang kanyang balikat sa pagsiksik niya sa may pinto. Mas mataas pa kasi siya kaysa sa sukat ng pintuan na nasa 5feet lang ang taas.
“Bakit ka ba kasi nagtatago diyan kung p’wede mo namang sabihin sa kanya na tinutulungan mo siya?” Tumingin ito sa kanyang pagmumukha. “Tsk, bagong gising ka pa yata na nagpunta rito para hanapin ako. Mabuti na lang at napakiusapan ko si Attorney Lemrey na mag-leave para ako lang an
