INIHATID niya ng tingin si Daimon na nagtungo sa sasakyan nito. Matapos nitong umamin na kapatid nito si Lander ay nagpaalam na ito sa kanya. Marami siyang mga tanong na gusto niyang sagutin nito ngunit minabuti nitong umalis upang makapag-usap silang tatlo nina Lander at Katarina.
Umiiyak si Katarina habang nakaupo sa may silya. Si Lander naman ay lumuhod sa kanyang harapan matapos niyang sabihin dito ang plano niya.
“Khara, please pag-usapan natin ito?!” pagmamakaawa ni Lander sa kanyang harapan. Nakaluhod ito sa paanan niya at umiiyak. “Alam kong malaki ang kasalanan ko sa iyo pero huwag mo na sanang paabutin pa sa korte ang lahat. Kailangan ako ng anak ko, Khara. Isipin mo naman sana na kawawa ang anak namin ni---”
Masama niyang tinignan ito at mapakla siyang tumawa. “Kawawa, ang an
