“I-Ikaw na ba iyan, Daimon? Hindi kita kaagad nakilala,” bulalas ni Tita Isabel na kaagad pa siyang niyakap. “Nandito ka ba dahil binisita mo nag kapatid mo?” natutuwang sabi pa nito sa kanya.
Iginala ni Daimon ang tingin sa sementadong bahay ng kanyang tiyahin. Napakalaki ng ipinagbago ng bahay nito sa nakalipas na dalawampung tatlong taon. Wala na ang mga punong mangga sa paligid ng bahay nito. Napalitan na iyon ng mga bahay.
“Noong huling nakita ninyo ako fifteen years old pa lang yata ako, Tita Isabel. Kumusta na po kayo rito? Balita ko may asawa na rin si Jasper,” ang bunsong anak nito na kasing edad lamang niya.
“Oo, maaga niyang nabuntis iyong nobya niya kaya nagpakasal na sila. Ngayon ay pareho na silang mga guro na nagtuturo sa public elementary school dito sa amin. Iyang bahay
