“Jayson, hindi mo p‘wedeng gawin sa akin ito!” Umiiyak na pakiusap ni Katarina habang pinupulot isa-isa ang mga damit niyang nagkalat sa labas ng apartment na tinutuluyan nilang dalawa.
“Ginago mo ako, Kat! Ang sinabi mo sa akin kaya ka bumalik ay dahil mahal mo pa rin ako at dahil pinaniwala mo ako na may anak nga tayo. Iyon pala peperahan mo lang ako katulad ng ginawa mo sa biyenan ko para may pangsustento ka sa kabet mo at sa anak ninyo!” Sinampal siya nang malakas ni Jayson.
“Jayson, babe. M-May anak tayo sa… sa kanya naman napupunta ang---”
Muli lamang siyang sinampal ni Jayson. Napatingin siya sa kanyang kaliwa sa lakas ng pagkakasampal nito sa kanya. Pakiramdam niya para siyang nabingi dahil natamaan din ng palad nito ang kanyang tenga.
“Sinungaling! Ipina-DNA ko ang batang iyon
