Bumuga nang malalim si Daimon at naiinis na tumingin ng masama kay Khara. Hindi niya maintindihan kung bakit hindi nito magawang ipagtanggol ang sarili sa mga ganoong sitwasyon.
“Oh, bakit ganyan ka makatingin sa akin?” nagtatakang tanong nito sa kanya.
Sumeryoso siya at masamang tumingin dito.
“Hindi ko nagustuhan ang nangyari kanina. Hindi ko alam kung sadyang mabait ka lang talaga o sadyang mahaba ang pasensya mo. Khara, please naman. Ipagtanggol mo naman minsan ang sarili mo. Huwag mong palaging iniisip ang nararamdaman ng ibang tao dahil hindi ka naman si wonder woman at hindi naman bakal ang puso mo.”
Bumuga ito ng malalim at saka umiling.
“Super hero lang ba ang may mahabang pasensya?”
“Kaya ka inaapi dahil sinasanay mo na lang ang sarili mo na minamaliit ka ng ibang tao. Hind
