DUMAAN ang araw ng pasko at bagong taon na hindi sila nagkita ni Daimon. Hindi ito tumawag o nag-text man lang sa kanya. Pagkatapos ng libing ni Lander ay hindi na sila nagkaroon ng pagkakataon na mag-usap nito. Nirespeto ni Khara ang pananahimik ni Daimon dahil sa pagkamatay ni Lander.
Nasa bahay siya ng kanyang Tita Nida at inaayos ang kanyang bagpack. Bukas na ang balik niya ng Thailand. Kailangan na niyang mag-report sa school na pinagtratrabahuan niya.
“Khara, halika na at manghaliam na muna tayo,” nakangiting tawag sa kanya ni Tita Nida. Nakatayo ito sa may pintuan ng kusina at naroon naman ang kanyang mga kapatid na nauna ng kumain.
“Sige po, tatapusin ko na lang muna itong mga gamit ko na dadalhin bukas. Kailangan po kasi na maaga akong mag-flight,” pilit ngiting aniya rito.
Ni
